Ministri i Kulturës, Hajrulla Çeku ka thënë se Serbia po i shkel marrëveshjet.

Përmes një postimi në rrjetin social Twitter, ai tha se 1247 artefakte nga Kosova po mbahen ilegalisht në Beograd.

“1247 artefakte të koleksionit të muzeut publik janë marrë nga Muzeu Kombëtar i Kosovës gjatë kohës së luftës (1998-99) nga Akademia serbe e Shkencave. Kjo ishte pjesë e projektit gjenocidal të Serbisë kundër historisë/identitetit të shqiptarëve, krahas shkatërrimit të mbi 1 mijë objekteve të trashëgimisë”, shkroi Çeku.

Ai u shpreh se artefaktet janë marrë për ekspozim të përkohshëm.

“Pothuajse 24 vjet më pas, koleksioni ende mbahet padrejtësisht dhe ilegalisht në muzetë e Beogradit. Sipas marrëveshjes origjinale (Libri i Kthimit), artefaktet janë marrë për ekspozim të përkohshëm, por ende nuk janë kthyer në Muzeun Kombëtar të Kosovës, atij të cili i takojnë”, shkroi ai.

Ai shtoi se Serbia po shkel haptazi marrëveshjen origjinale të vitit 1998/99

“Serbia po shkel haptazi marrëveshjen origjinale të vitit 1998/99 të nënshkruar ndërmjet institucioneve përkatëse të Kosovës dhe Serbisë. Konventa e vitit 1970 e UNESCO-s për kthimin e pasurisë kulturore në vendin e origjinës dhe dokumenti i Ahtisaarit që përcakton një afat kohor për kthimin e koleksionit”, ka shkruar tutje Çeku.

1247 artifacts of 🇽🇰 public museum collection were taken from the National Museum of Kosova during wartime (1998-99) by the Serbian Academy of Sciences. It was part of Serbia’s genocidal project against Albanians’ history/identity, alongside destruction of over 1K heritage sites. pic.twitter.com/afvtkARivL

— Hajrulla Çeku (@HCeku) July 10, 2022